Республикăра туризм отраслĕнче тăрăшакансен Пĕтĕм Раççейри конкурсĕн регионти тапхăрĕ пуçланнă.
Професси ăстисен тупăшăвне РФ туризм енĕпе ĕçлекен федераци агентстви пуçарнă, ăна кашни çулах ирттереççĕ. Çĕнтерÿçĕсемпе призерсене «Хăна çуртĕнче вăй хуракан чи лайăх специалист», «Чи хастар менеджер», «Чи пултаруллă гид ?экскурси йĕркелекен» тата «Чи ĕçчен тирпейлÿçĕ» номинацисенче палăртĕç. «Туризм индустрийĕнчи профессионал» ята тивĕçекен Чăваш Ен чысне Мускавра иртекен конкурсăн финалĕнче хÿтĕлĕ.
Сăмах май каласан, республикăра çулсеренех «Туризм индустрийĕн лидерĕ» конкурс ирттереççĕ. Унта туризм отраслĕнче пысăк çитĕнÿ тунă пултаруллă специалистсене чыслаççĕ.
