Район центрĕнчи «Арбат» суту-илÿ çуртĕнчен пуçласа тĕп больницăна илсе çитерекен /инçĕшĕ – 852 метр/ çула тата вĕсен территорийĕсенчи автомашинăсене лартмалли площадкăсене асфальт сарнăранпа Елчĕк тата илемленнĕн туйăнать.
Çак ĕçсене пурнăçлама хутшăннă «ДПМК «Яльчикское» ООО коллективĕ пĕр вăхăтрах Октябрь урамĕнчи 9-мĕш номерлĕ нумай хваттерлĕ çурт территорине хăтлăх кÿрес тĕлĕшпе тимлет. Укçи-тенкине те çитернĕ. Çак тĕллевпе – мĕнпур ĕçе пурнăçлама бюджетран пурĕ 6 миллион та 400 пин тенкĕ уйăрнă.
