Çак кунсенче «Елчĕк ен» хаçат редакцийĕн коллективĕнче районти тĕп больницăри шур халатлă ĕçченсем пулчĕç.
Профилактика медицинин тухтăрĕ Т.Петрова, эпидемилоги врач пулăшуçи И.Убасева, В.Алексеева медсестра чи малтанах грипп тата ВИЧ-инфекци чирĕсем пирки калаçу пуçарчĕç, унтан Николай Малышкин тĕп редактор пуçарулăхĕпе грипран вакцинаци тутартăмăр.
Калас пулать, хаçат ĕçченĕсен сывлăхĕшĕн тăрăшассине администраци тĕп тивĕç вырăнне хурать.
