Районти тĕп библиотекăра «Шурă туя» клубăн черетлĕ тĕл пулăвĕ иртнĕ.
Библиотекарьсем куç курманнисене тĕн темине çутатакан «Ырă хыпар» журналăн юлашки номерĕсенче кун çути курнă статьясене сасăпа вуласа панă. Унсăр пуçне, çĕнĕ кĕнекесемпе журналсенче пичетленнĕ статьясене те тишкернĕ.
Елчĕк тата Комсомольски районĕсенчи куç курманнисен обществин председателĕ Г. Михайлов тĕл пулăва хутшăннисене кăсăклантаракан ыйтусем çине хуравсем тупма пулăшнă.
