Мартăн 8-мĕшĕ чи кĕтнĕ уяв. Çак кун эпир тĕнчери чи çывăх çыннăмăрсене – аннеcене, асанне-кукамая, аппасемпе йăмăксене саламлатпăр.
Вĕсен ячĕпе çак кун мĕн чухлĕ ырă та çепĕç сăмах янăрать.
Хĕрарăмсене халалласа уяв умĕн Елчĕкри тĕп библиотекăра «Çутçанталăк тата çын» клубăн членĕсем пуçтарăнчĕç. Вĕсене çурхи уявпа вулавăш директорĕ Светлана Сайкина, асăннă клуб ертÿçи Александра Сайкина ăшшăн саламларĕç. Тĕл пулура Александра Прохоровна çипрен тĕрлĕ эрешсем çыхас енĕпе мастер-класс ирттерчĕ.
Вулавăшри «Ал ĕçĕсен утравĕ», «Çуркунне евĕр вăл хĕрарăм» ятпа хатĕрленĕ куравсем ĕçлерĕç.
/Хамăр корр./.
