Республикăри аграрисен инвестици кредичĕн процентне саплаштарма 494 миллион тенкĕ уйăраççĕ.
Çакăн пирки ЧР Министрсен Кабинечĕ «Чăваш Республикинчи ял хуçалăхне аталантарасси, ял хуçалăх продукцийĕ, чĕр тавар, апат-çимĕç рынокне йĕркелесси» патшалăх программине финанслассине ÿстерессипе йышăну кăларнă ĕнтĕ. Çак шутран 254,6 миллион тенки АПКри инвестици кредичĕн процент ставкине саплаштарма кайĕ. Ку чухне республика хыснинчен 65 кредит килĕшĕвне субсидилеме – 74,5 пин, 239 кредит килĕшĕвне саплаштарма федераци бюджетĕнчен 419 пин тенкĕ ытларах уйăрĕç.
