Нумай хваттерлĕ çуртсенче пурăнакансем 2014 çулхи декабрь уйăхĕнчен пуçласа çуртсене малашлăхра капиталлă юсав ĕçĕсене пурнăçлама уйăхсерен взнос укçи хываççĕ. Унăн виçине хваттер лаптăкне кура палăртаççĕ.
Малтанхи вăхăтра республикăра пурăнакансем çурт-йĕрĕн пĕр тăваткал метрĕшĕн 5 тенкĕ те 20 пус, каярахпа 6 тенкĕ те 30 пус тÿленĕ пулсан çитес çултан тытăнса хаксене 3,7 процент ÿстерме палăртнă. Урăхла каласан, пĕр тăваткал метршăн 6 тенкĕ те 53 пус тÿлемелле.
