Шкул ачисем Пĕтĕм Раççейри олимпиадăн регион тапхăрĕнче хăйсен тавра курăмĕпе пĕлĕвне тĕрĕслерĕç.
Вĕренекенсем 22 предметпа тупăшрĕç. И.Н.Ульянов ячĕллĕ Чăваш патшалăх университечĕн юридика факультечĕ кашни çулах «Право пĕлĕвĕсен никĕсĕ» тата «Обществознани» предмечĕсен олимпиадисене йĕркелет. Елчĕк шкулĕнче ăс пухакансем интернет-тестирование активлă хутшăннă. 8-11 классенчи К.Воробьева, Ю.Иванова, В.Никифоров, В.Портнова, А.Журавлев, Д.Митрофанова, А.Антонова, М.Николаева олимпиадăн çĕнтерÿçисемпе призерĕсем пулса тăнă. Ачасен урокĕсене Р.Макаровăпа В.Николаев учительсем ертсе пыраççĕ.
