Чăвашпотребсоюзăн Канашри филиалĕн «Елчĕкри коопторг» ОООн сельхозтехника çывăхĕнче вырнаçнă куллен кирлĕ таварсемпе тивĕçтерекен лавккинче вăй хуракан сутуçăсем – Светлана Семеновăпа Людмила Траншкина çынсен ыйтăвĕсене туллин тивĕçтерме пĕлнипе анчах мар, кашнийĕнпе тараватлă пулнипе те палăрса тăраççĕ.
Вĕсем пирки ăшшăн аса илнине нумай çынран илтме тÿр килнĕ. Суту-илÿ ĕçĕнче вĕсем çĕнĕ çынсем те мар – самай пысăк ăсталăх пухнă.
Сăн ÿкерчĕкре: Светлана Семенова.
