акци районти шкулсенче çирĕп йăлана кĕнĕ.
Çак кунсенче Кивĕ Эйпеç шкулĕнче вĕренекенсен ашшĕ-амăшĕ ачисен апатланăвĕпе интересленнĕ. Чи малтанах апат пахалăхĕпе, блюдăсен температура режимĕпе, порцисен виçипе, менюпа килĕшÿллĕн апат хатĕрленипе, апатланмалли залти йĕркелĕхпе кăсăкланнă.
– 1-4 классенче вĕренекенсене апат тÿлевсĕр çитереççĕ. Çавăн пекех сахал тупăшлă нумай ачаллă çемьере çитĕнекенсене тÿлевсĕр çитерессине йĕркеленĕ, – пĕлтернĕ шкул директорĕ Галина Осипова.
Ашшĕ-амăшĕ ачасене вĕри апат çитерессине тивĕçлипе йĕркеленине, апата тутлă пĕçернине, коронавирус алхаснă тапхăрта столовăйĕнче хăрушсăрлăх йĕркисене пăхăннине палăртнă.
