Чăваш Ене Индирен пĕчĕк тата вăтам хăватлă тракторсем илсе килнĕ. Çакăн йышши техникăна часах Атăлçи комбайн заводĕнче пухма тытăнĕç.
СПИК 2.0 инвестици контракчĕпе килĕшỹллĕн çулталăк вĕçлениччен цехран 500 машина тухмалла. ТКС 90 — пахча ĕçĕсем ирттермелли трактор. Ку техникăпа теплицăра та ĕçлеме пулать, ун пек чухне кабинине илсе хума май пур. Унсăр пуçне, Индирен ТКС-75 тата ТК-90 илсе килнĕ. Пĕтĕмпе — 50 машина. Халĕ вĕсене предприятире тĕплĕн тĕрĕслеççĕ.
