Кăçалтан пуçласа тин çуралнă ачашăн хушма пулăшу мелĕпе тивĕçтерме тытăнĕç.
Ăна Чăваш Енри Телейлĕ ачалăх çулталăкĕпе çыхăнтарĕç. Тĕрĕссипе, тин çуралнă ачана наци эрешĕллĕ парне парасси республикăшăн çĕнĕлĕх мар. Тĕрĕ кунĕнче ирттерекен «Тĕрĕпе çуралнă» акци 2020 çулта вăя кĕнĕччĕ. Кăçалхи çĕртме уйăхĕн 1-мĕшĕнчен пуçласа вара тин çуралнă кашни ачана наци сĕмĕллĕ парне тата пепкене малтанхи кунсенче пăхма кирлĕ япаласем парĕç.
