Округри культура ĕçченĕсен иртнĕ çулхи ĕçĕн пĕтĕмлетĕвĕпе çыхăннă анлă канашлура професси енĕпе чи лайăххисене палăртнă.
«Чи лайăх культура ĕçченĕ — 2022» ята Тỹскелĕнчи нумай функциллĕ культурăпа кану центрĕн культорганизаторĕ Иван Шурбин, «Чи лайăх библиотекарь — 2022» ята тĕп вулавăшри ача-пăча библиотекин заведующийĕ Лариса Кудряшова тивĕçнĕ.
Учрежденисенчен чи лайăххисем — Аслă Таяпари культура çурчĕпе (ертỹçи Любовь Адюкина) Курнавăш ял библиотеки (ертỹçи Раиса Горшкова).
