Халăха патшалăх тата муниципалитет пулăшăвĕпе пахалăхлă тата пурте усă курма пултаракан майпа тивĕçтерес ыйтăва Чăваш Ен Пуçлăхĕ Олег Николаев час-часах хускатать.
Патшалăх Канашĕн черетлĕ сессийĕнче вăл пулăшăва электрон мелĕпе тивĕçтерни вăхăта перекетлеме, ĕçе çăмăллатма тата чиновниксемпе тỹрремĕнех хутшăнассине чакарма, коррупцие вăй илме паракан майсене пĕчĕклетме май панине палăртнăччĕ.
Коррупци ыйтăвĕ çивĕч, вăл çывăх вăхăтра сирĕлесси иккĕленỹллĕ. Çапах та унпа кĕрешни тивĕçлĕ кăтарту кỹрет.
