Сăрьел ялĕнчи почта çыхăну уйрăмĕн ĕçченĕсем — Алфиря Юсупова, Елена Прохорова, Надежда Александрова почтальонкăсем, çыхăну уйрăмĕн ертỹçи Наталия Иванова халăха хаçат-журналпа тивĕçтерес ĕçе тивĕçлĕ пурнăçлаççĕ.
— Почтальонсене куллен кĕтетпĕр. Тавах вĕсене пире хаçат-журнал, унпа пĕрле кашни уйăхрах пенси укçине вăхăтлă парса тăнăшăн. Унсăр пуçне куллен кирлĕ таварсемпе те тивĕçтереççĕ. Халăхпа ырă та тарават вĕсем пурте, — теççĕ çак тăрăхра пурăнакансем почтальонсем пирки сăмах пуçарсан.
