«Елчĕк ен» пирĕн çемьешĕн юратнă хаçат. Ăна чăтăмсăррăн кĕтетпĕр, пĕтĕм кăларăма тĕплĕн вуласа тишкеретпĕр.
Журналистсем, ялкорсем пурнăçри пулăмсене, ыйтусене уççăн, тепĕр чухне чуна пырса тивмелле хускатаççĕ. Ят-сум çĕнсе илнисемшĕн, тĕрлĕ конкурсра çĕнтернисемшĕн питĕ хĕпĕртетпĕр. Педагогсемпе, наставниксемпе çыхăннă материал та чылай пулчĕ кăçал. Манăн шухăш-кăмăлăм пур пĕрех уйрăм тематика енче: культура, патриотизм, вĕренỹ, спорт хыпарĕсемпе ытларах кăсăкланатăп.
«Елчĕк ен» хаçата 2024 çулхи пĕрремĕш çур çулшăн çырăнтарасси вĕçленсе пырать. Округ пурнăçне пĕлсе тăрас тесен кирлех вăл.
Людмила ЕНЕДЕРОВА,
педагогика ĕçĕн ветеранĕ.
Тăрăм ялĕ.
