Çĕнĕ Çул тата Раштав уявĕсене хатĕрленсе организаци-предприятисен çурчĕсемпе вĕсен территорийĕсене, уйрăм кил-çуртсен çывăхĕнчи вырăнсене илемлĕ çутăсемпе çутатас тĕлĕшпе конкурс ирттересси округра унчченех йăлана кĕнĕ.
Ăна кăçал та 2 номинаципе ирттерме йышăннă. Конкурса пĕтĕмлетнĕ чухне чи малтан çурт-йĕрпе территорие хăйне евĕрлĕ илемлетсе уяв сĕмĕ кĕртнине (юртан, пăртан ăсталанă скульптурăсем тата ытти атрибутика) шута илеççĕ.
