Пуш уйăхĕн 11-15-мĕшĕсенче округра «Условник» оперативлă профилактика операцийĕ йĕркеленĕ.
Çак тапхăрта ШĔМĕн районсем хушшинчи «Комсомольский» уйрăмĕн Елчĕк районĕнчи пайĕнче ĕçлекенсем профилактика субъекчĕсен представителĕсемпе пĕрле условлă майпа айăпланă 26 çын çемйинче пулнă. Вĕсемпе калаçу ирттернĕ май, саккуна тата вĕсене пырса тивекен чарусене çирĕп пăхăнмаллине аса илтернĕ.
Черетлĕ «Условник» профилактика операцийĕ çу уйăхĕн 13-17-мĕшĕсенче иртет.
