Çĕрпỹри «Асамат» спорт шкулĕнче ачасен «Президент спорт вăййисем» программипе килĕшỹллĕн юлашки тапхăр — çăмăл атлетсен ăмăртăвĕсем иртнĕ.
Унта Елчĕкри вăтам шкул командинчи арçын ачасем эстафетăра (4х200) иккĕмĕш, çăмăл атлетикăн нумай енлĕ кĕрешĕвĕнче (60 м, 800 м, тăршшĕне сикесси) виççĕмĕш вырăн йышăннă. Команда, пĕтĕмĕшле кăтартупа, 3-мĕш призер пулса тăнă. Уйрăм спортсменсенчен пĕр тăван Фомкинсене ытларах ăннă: Роман — çĕнтерỹçĕ, Семен — бронза медалисчĕ.
