2023 çулхи кăтартусен пĕтĕмлетĕвĕ тăрăх Чăваш Ен вăрман хуçалăхне ертсе пырассипе ТОП-10 регион йышне кĕнĕ. Ĕçсене 32 критерипе, 6 ушкăнра хакланă.
«2022 çулхипе танлаштарсан 47 регион хăйĕн рейтинг кăтартăвне самай лайăхлатнă. ТОП-10 регион йышне тата 4 регион кĕнĕ. Ку шутра — Киров облаçĕ, Карели, Удмурт тата Чăваш республикисем. Регионсенче вăрмансене пушартан, чир-чĕртен хỹтĕлес, çĕнĕ хунав лартас ĕçсем лайăхланнă», — тесе палăртнă Рослесхоз ертỹçи Иван Советников. Вăрман хуçалăхĕн ĕçне лайăхлатассипе çавăн пекех Тутарстан, Карели, Удмурти, Волгоград, Чулхула, Ленинград, Тверь, Киров тата Смоленск тăрăхĕсем палăрнă.
