Пермь хулинче Пĕтĕм Раççейри инвалидсен обществин Атăл çи федераци округĕн сĕтел çи вăййисен «Новус» фестивальне ирттернĕ.
Унта çавăн пекех Урал тата Çурçĕр-Хĕвел анăç федераци округĕсен спортсменĕсем те хутшăннă. Чăваш Ен чысне пирĕн округ представителĕсем — Александр Портнов, Эльвира Морозова тата Николай Никифоров хỹтĕленĕ.
Вĕсем, ыттисем пекех, вăйăсенче хăйсен ăсталăхне уйрăммăн та, икшерĕн те, командăпа та кăтартнă. Пĕтĕмĕшле зачетпа вăл шайра 12-мĕш вырăн йышăнни начар мар тĕслĕх. Регионтан виçĕ спортсмен та пирĕн тăрăхран пулни те мухтанмалăх.
