Чăваш наци библиотекин ĕçченĕсем Бердянск тăрăхне çитсе килнĕ.
Библиотека ертỹçи Роза Лизакова тата унăн çумĕсем — Татьяна Баймушкинăпа Марина Андрюшкина Бердянскри вулавăша кĕнекесемпе тивĕçтернĕ. Библиотека унта валли 220,5 пин тенкĕлĕх 718 кĕнеке туяннă. Укçа пуçтарма Чăваш Енри культура учрежденийĕсем пурте хутшăннă.
2024-2025 çулсенче пирĕн республика пулăшăвĕпе унти 5 культура çуртне юсаса çĕнетме палăртнă. Дмитровка ялĕнче модельлĕ библиотека та йĕркелесшĕн.
