«Сывлăх» наци проекчĕпе килĕшỹллĕн Елчĕкри тĕп больница çумĕнчи куçса çỹрекен фельдшерпа акушер пункчĕ тăтăшах аякри пĕчĕк ялсене тухса çỹрет.
Черетлĕ медицина рейдне мобильлĕ бригада Исемпел ялĕнче ирттернĕ. Хальхи вăхăтри медицинăн пуян оборудованийĕсемпе тивĕçтернĕ ФАПра 20 пациентăн сывлăхне тĕрĕслеме май килнĕ. Тухса çỹрейменнисем патĕнче килĕсенче пулнă. Профилактика калаçăвĕ, консультаци йĕркеленĕ.
Мобильлĕ ушкăн кăçал 56 хутчен тухнă ялсене, 879 çынна медицина тĕрĕслевĕ витĕр кăларнă.
