Кивĕ Эйпеçĕнче обществăлла хăй тытăмлăх территорийĕ (ТОС) йĕркеленни икĕ çул кăна-ха. Унăн председателĕ Николай Кожевников ертсе пынипе ялта чылай ĕç пурнăçланă.
Коллективăн яла хăтлăлатас, тирпей-илем кĕртес тĕлĕшпе çыхăннă ĕçĕсем çинчен хаçатра та пĕр хутчен мар çырнă. ТОС Пĕтĕм Раççейри «Сирĕнпе хутшăнмасăр, туссем, ниепле те» проекта хутшăнса президент грантне (307 пин тенкĕ) çĕнсе илни те унăн пархатарлă пуçарăвĕсене çирĕплетет.
