Округри чи вăйлă мас-рестлинг ăстисем Чăваш Ен ăмăртăвĕнче вăй виçнĕ. Ăна тĕп хулари «Спартак» Спорт керменĕнче йĕркеленĕ.
200 ытла атлет хушшинче ентешсем ылтăн медаль çĕнсе илеймен пулин те, пушă алăпа таврăнман. Елчĕк шкулĕнчи Тимофей Антоновпа Александр Багадеров кĕмĕлшĕн те хавас. Çирĕклĕ Шăхалĕнчи Олег Осипов физкультура учителĕн вĕренекенĕсем вара харăсах тăваттăн пьедесталăн 3-мĕш картлашки çине хăпарма пултарнă: Валерий Алексеев, Артем Шкапов, Илья Дудкин, Артем Краснов. Çак кăтартăва Чăваш Тăрăмĕнчи пĕр тăван Павелпа Светлана Окружновсем те çирĕплетнĕ.
