Июнĕн 24-мĕшне пирĕн çĕршывра канмалли кун тесе йышăннă /кансан та ĕç укçи тÿлĕç/. Ку Указа Раççей Президенчĕ Владимир Путин алă пусса çирĕплетнĕ.
Коронавируса пула кăçал Çĕнтерÿ кунне майăн 9-мĕшĕнче анлăн уявлама май килмерĕ. Çавна май Тăван çĕршывăн Аслă вăрçинче çĕнтернĕренпе 75 çул çитнине халалланă Çĕнтерÿ парадне çĕршывра июнĕн 24-мĕшĕнче 10 сехетре ирттерме палăртнă. Каçхине 22 сехетре хăватлă артиллери салючĕ янăрĕ.
Июнĕн 26-мĕшĕнче «Вилĕмсĕр полк» акци иртĕ.
