Хамăр çĕршывра канакан туристсен тăкакĕсен 20 процентне тавăрса параççĕ.
Турист кешбэкĕн программи мартăн 15-мĕшĕнчен ĕçлеме тытăннă, вăл июль уйăхĕн 1-мĕшĕччен пырĕ. Программăна Раççейри пур регион хутшăнать. Çул çỹрев икĕ каçран кая пулмалла мар. Тура «Мир» карттăпа тỹлемелле. Вара унта 5 кун хушшинче 20 процент кешбэк таврăнать. Анчах та 20 пин тенкĕрен ытла мар. Туристăн темиçе хутчен те çул çỹреве тухма юрать — кешбэка кашнишĕн парĕç.
Сăмах май каласан, ку программăна 2020 çулта пандемие пула шар курнă турбизнеса пулăшма вăя кĕртнĕччĕ.
