Чăваш Республикин конкурентлă политика тата тарифсен патшалăх служби пĕлтернĕ тăрăх, уйрăм çынсем усă куракан çут çанталăк газĕн 1 кубла метрĕн хакĕ кăçалхи утă уйăхĕн 1-мĕшĕнчен тытăнса 5 тенкĕ те 53 пуспа танлашмалла. Урăхла каласан, хальхи хак çумне 16 пус /3 процент/ хутшăнать.
Чăваш Республикин Пуçлăхĕ Михаил Игнатьев газ, ытти ресурс тарифĕсем ÿснине шута илсе халăха коммуналлă пулăшу ĕçĕсемшĕн субсиди тÿлемелли йĕрке малашне те вăйра пулассине çирĕплетнĕ, сахал тупăшлă çемьесемшĕн çакă — курăмлă тĕрев.
