Çанталăк сивĕтнĕ май шăнса пăсăласси те инçе мар.
Сывлав органĕсен чирĕсем пуçланиччен районти медицина ĕçченĕсем грипран прививка тăвассине тĕпе хураççĕ. Района 3850 доза «Совигрипп» вакцина илсе килнĕ. Прививка туни гриппа тата ОРВИпе чирлекенсен йышне самай чакарма пулăшать. Çакна тĕпе хурса çак кунсенче район администрацийĕнче ĕçлекенсем хăйсен укçи-тенкипе туяннă вакцинăпа укол тутарнă. Çавăн пекех Патреккелти шкул коллективĕ те, унта вĕренекенсем те грипран хỹтĕленсе прививка тутарма кăмăл тунă.
