Районта анлă пурнăç сукмакне хывакансем йышлансах пыраççĕ.
90 çулхи юбилейĕсене Çирĕклĕ Шăхалĕнчи Лидия Ивановна Ивановăпа Каркаларти Ольга Васильевна Голубьева паллă тунă. Тыл ветеранĕсене ял тăрăхĕнче ĕçлекенсем Раççей Президенчĕн Владимир Путинăн салам çырăвне вуласа панă. Унтан хаклă амăшне, асламăш-кукамăшне ачисемпе мăнукĕсем, тăванĕсем саламланă. Культура ĕçченĕсен савăк юррисем тыл ветеранĕсен, нумай ача-пăча ỹстернĕ амăшĕсен чун-чĕрине ăшăтнă.
