Обществăлла вырăнти йĕркелĕхе пăхăнманни Б.-шăн судпа вĕçленнĕ.
Аслă Елчĕкре пурăнакан Б. Федерацин Суд приставĕсен службин Чăваш Республикинчи управленийĕн Елчĕк районĕнчи пайне пырсан обществăлла йĕркелĕхе пăснă: хытă калаçнă, словарьте çук сăмахсемпе вăрçăннă, хăйне тивĕçлĕ тытма ыйтсан та лăпланман. Çавна май арçын тĕлĕшĕпе Раççей Федерацийĕн административлă право йĕркине пăсни çинчен калакан кодексĕн 20.1 статйин 1 пайĕпе килĕшỹллĕн ĕç пуçарнă.
Елчĕк район сучĕ асăннă ĕçе пăхса тухнă май Б.-на административлă штраф тỹлеттерме йышăннă.
Г.ЧЕРНОВА,
суд председателĕн пулăшуçи.
