Район территорийĕнчи чрезвычайлă лару-тăрăва асăрхаттарас тата пушар хăрушсăрлăхĕпе тивĕçтерес енĕпе ĕçлекен комиссин анлă ларăвĕ пулса иртнĕ.
Комисси председателĕ, район администрацийĕн пуçлăхĕн пĕрремĕш çумĕ — вĕренỹпе çамрăксен политикин пайĕн ертỹçи Леонард Левый ертсе пынипе иртнĕ лару ĕçне гражданла оборона тата чрезвычайлă лару-тăру ĕçĕсен Чăваш Республикинчи Патшалăх комитечĕн председателĕн çумĕ Олег Павлов хутшăннă.
Унта 2017 çулта район территорийĕнче гражданла оборона тĕлĕшĕпе, чрезвычайлă лару-тăрăва асăрхаттарас тата пушар хăрушсăрлăхĕпе тивĕçтерессипе мĕнле ĕçленине пĕтĕмлетнĕ, 2018 çулхи тĕллевсене палăртнă.
