Врачсене яла илĕртес тĕллевпе «Земство тухтăрĕ» программа ĕçлет. Халĕ унпа çамрăк фельдшерсем те усă кураяççĕ.
Çак программăпа фельдшерăн ялта 5 çул ĕçлемелле. Куншăн 500 пин тенкĕпе тивĕçтереççĕ. Кăçал республикăри 40 çын ялти фельдшерпа акушер пунктне ĕçе вырнаçасшăн. Программăна çĕнĕлĕх кĕртнĕ: специалистсен поселоксенче тата 50 пин ытла çын пурăнакан хуласенче те ĕçлеме ирĕк пур. Çак йыша республикăри пур хула та, Шупашкарпа Çĕнĕ Шупашкарсăр пуçне, кĕреççĕ.
