Паян Чăваш Енре Пĕрлехи информаци кунĕ иртет.
Тĕрлĕ шайри ертÿçĕсене пĕрлештерекен ĕçлĕ ушкăнсем çак кун ял тăрăхĕсенче пулса кун йĕркине кĕртнĕ тĕп темăсем тавра – 2019 çулта ялта пурăнакан пенсионерсен укçи-тенкине ÿстересси, РФ Правительствин 2018 çулхи декабрĕн 7-мĕшĕнчи 2713-р номерлĕ Хушăвне тишкересси, Владимир Путин Президент Пĕтĕм Раççейри «Единая Россия» политика партийĕн XVIII съездĕнче палăртнă Раççей Федерацийĕн социаллă пурнăçĕпе экономика аталанăвĕн тĕллевĕсем, РФ страховани фончĕн «Тÿрĕ тÿлевсем» пилотлă проектне 2019 çулхи январĕн 1-мĕшĕнчен Чăваш Енре пурнăçа кĕртме пуçласси çинчен – калаçĕç. Çавăн пекех паянхи кун халăх умĕнче тăракан çивĕч ыйтусене те хускатĕç тĕл пулусен вăхăтĕнче: Çĕнĕ çул тата Раштав уявĕсенче пушар хăрушсăрлăх йĕркисене çирĕп пăхăнасси, коммуналлă хуçалăхра пухăнакан хытă каяшсене вырнаçтарасси тата ытти те.
/Хамăр корр./.
