Пĕтĕм Раççейри кадет кунне тата Тăван çĕршывăн аслă вăрçинче çĕнтернĕренпе 74 çул çитнине халалласа Елчĕк шкулĕнче пĕрремĕш хут кадетсен балĕ иртнĕ.
Унта район администрацийĕн пуçлăхĕ Николай Миллин, унăн пĕрремĕш çумĕ – вĕренÿпе çамрăксен политикин пайĕн начальникĕ Леонард Левый, Комсомольски тата Елчĕк çар комиссариачĕн çар комиссарĕ Сергей Данилов хутшăннă.
Кадетсен балĕ чăн-чăн ташă искусствин уявĕ пулса тăнă. Унта Елчĕк шкулĕнчи кадетсем çеç мар, Комсомольскинчи 2-мĕш номерлĕ шкулти кадетсем те хăйсен пултарулăхĕпе тыткăнланă. Шкул директорĕн çумĕ Владимир Баймушкин бал ташшине хутшăннисене Тав хучĕпе чысланă.
