Шупашкар 550 çул тултарнине халалласа авторсен питĕ пысăк конкурс иртет.
Конкурса Шупашкар хула администрацийĕн культурăпа туризм аталанăвĕн управленийĕ «Русское радио» радиостанципе пĕрле йĕркелет. Унта кирек кам та хутшăнаять. Пĕччен те, ушкăнпа та гимн çырма пулать. Ăна июлĕн 15-мĕшĕччен йышăнаççĕ. Гимна вырăсла çырмалла, юрă 4 минутран иртмелле мар. Çĕнтерÿçĕне жюри членĕсем тата «Открытый город» сайтра сасăласа августăн 12-мĕшĕнче палăртĕç. Заявкăсене gimn550@mail.ru почтăна ярса памалла. Ыйтса пĕлмелли телефон номерĕ – 211-107.
