«Вĕренÿ» наци проекчĕпе килĕшÿллĕн Чăваш Енре регионти сакăр проект пурнăçланать.
Кăçал проектсене хутшăннă май республикăри ялсенче 40 шкулта /вăл шутран Елчĕкре тата Лаш Таяпара/ гуманитари тата цифра профилĕсен вĕрентĕвĕн центрĕ йĕркеленет. Унта 1 пине яхăн ача хутшăнĕ.
Çавăн пекех Шупашкарти «Волжский-3» микрорайонта – 1100, Етĕрне хулинче 300 вырăнлă шкулсем хута кайĕç. Çĕнĕ Шупашкарта «Кванториум» ача-пăча технопаркĕ уçăлĕ. И.Н.Ульянов ячĕллĕ Чăваш патшалăх университечĕ çумĕнче С.А.Абруков ячĕллĕ Наука коллаборацийĕн çурчĕ ĕçлеме пуçлĕ. Ашшĕ-амăшĕ валли ачасен вĕренĕвĕпе, воспитанийĕпе çыхăннă 31 консультаци центрĕ хута кайĕ.
Лаш Таяпари вăтам шкулта «Точка роста» йĕркелес ĕç вĕçленсе пырать. Учительсем теори пайне онлайн-курсра вĕренеççĕ.
/Хамăр корр./
