Канмалли кунсенче Чулхулара алă вăйĕ виçессипе облаçăн уçă чемпионачĕ иртнĕ. Чăваш Ен пĕрлештернĕ командин йышĕнче Елчĕк спортсменĕсем те вăй виçнĕ.
90 килограма çитичченхи виçере Кÿлпуç каччи Павел Яшин чемпион пулса тăнă. Çирĕклĕ Шăхаль ял тăрăхĕн пуçлăхĕ Сергей Солин çулĕпе спорт ветеранĕсен йышĕнче пулсан та, чылай çамрăка парăнтарса 4-мĕш вырăна тухма пултарнă.
