Республикăри «Агро-Инновацисем» хысна унитарлă предприятийĕн специалисчĕсем районти хресчен /фермер/ хуçалăхĕсен ертÿçисемпе хăйсен ĕçне йĕркелес тĕлĕшпе ĕçлĕ калаçу ирттернĕ.
Семинар ĕçне хутшăннă район администрацийĕн пуçлăхĕн ĕçĕсене пурнăçлакан Леонард Левый ял хуçалăхне аталантарма патшалăх енчен кашни çул сахал мар тĕллевлĕ укçа-тенкĕ уйăрса пани çинчен чарăнса тăнă. Кăçал та, тĕслĕхрен, 4 хресчен /фермер/ хуçалăхĕ тĕллевлĕ программăпа килĕшÿллĕн 8,9 миллион тенкĕлĕх грант çĕнсе илнĕ.
ЧР Ял хуçалăх министерствин специалисчĕ Андрей Петров уйрăм хушма тата хресчен /фермер/ хуçалăхĕсене, ял хуçалăх предприятийĕсене аталанма патшалăхран паракан укçа-тенкĕ тĕсĕсем çинчен каласа кăтартнă, çак ĕçпе çыхăннă нормативлă право докуменчĕсемпе паллаштарнă.
Патшалăх пулăшнипе усă курса ĕне выльăх ĕрчетме тытăннă Валерий Смирнов фермер хăйĕн ĕç опычĕпе паллаштарнă.
