Нарăс уйăхĕн 1-мĕшĕнчен тытăнса Чăваш энергосбыт компанийĕн районсенчи мĕн пур сакăр уйрăмĕ шăматкун та, 8 сехетрен пуçласа 17 сехетчен, ĕçлеме тытăннă.
Шупашкарти тата Муркашри халăх ыйтăвĕсене тивĕçтерекен хушма офиссем унчченхи графикпах ĕçлеççĕ.
– Электроэнерги потребителĕсен ыйтăвĕсене татса парассин пахалăхне лайăхлатасси – пирĕн тĕп тĕллевсен шутĕнче, – тенĕ çĕнĕлĕх пирки пĕлтернĕ май ЧЭСК гендиректорĕ Александр Гончаров.
Аса илтерни вырăнлă: вĕçленекен уйăхра усă курнă электроэнергишĕн уйăхсерен, тÿлев тапхăрĕ хыççăнхи уйăхăн 20-мĕш кунĕнчен кая юлмасăр, тÿлемелле.
