Республикăри катастрофа медицинин тата васкавлă пулăшу центрĕ пĕлтернĕ тăрăх, Чăваш Енре кăçал больницăсем валли 5 вертолет лапамĕ хатĕрлеме палăртнă.
Вертолет лартмалли лапамсем пысăк, нумай профильлĕ организацисенче пулĕç. Вĕсем регионти санитари авиацине аталантарма пулăшĕç. Унсăр пуçне, кăçал республикăна васкавлă медицина пулăшăвĕ паракан 53 автомобиль килсе çитмелле. Çакнашкал автомашинăсен паркне вара 100 проценчĕпех çĕнетĕç. Пĕтĕмпе 2020 çулта 32 медицина организацийĕн пурлăхпа техника никĕсне çĕнетме тата сывлăх сыхлавĕн çĕнĕ объекчĕсене тума 1 миллиард тенкĕ уйăрассине палăртнă республика центрĕн хыпарлавĕнче.
