Тĕп хулара пурăнакансене, Шупашкар хăнисене Хĕрлĕ тÿремри фонтан валли кĕвĕ суйлама сĕнеççĕ.
Хĕрлĕ тÿреме реконструкциленĕ май унта фонтан та тума палăртнă. Сооружени виç кĕтеслĕх евĕрлĕ пулĕ, çутăпа тата юрă-кĕвĕпе вылянса тăрĕ, шыв ярăмĕсем тăватă метра çити çĕкленĕç. Хальхи вăхăтра «Уçă хула» порталта ыйтăм пырать. Халăха шухăшне пĕлтерме тата фонтан ĕçленĕ вăхăтра янăракан кĕвве палăртма сĕнеççĕ. Ăна «Контактра» социаллă сетьре vk.comŸmusicŸalbum вырнаçтарнă вун-вун композицирен суйласа илмелле.
