Чăваш автономине йĕркеленĕренпе 100 çул çитнĕ май Раççей Банкĕ 3 тенкĕлĕх кĕмĕл укçа кăларнă.
Укçан тÿнтер енне Чăваш Республикин гербне тата хулпуççи çине кĕвентепе мăшăр витре çакнă наци тумĕллĕ чăваш хĕрне ÿкернĕ. Вăл йывăç çумĕнче тăрать. Аякра юхан шыв, хальхи вăхăтри хула сăнланнă. Аялта çурма çавракан «Чувашская Республика» тесе çырнă. «100 лет» тесе шăрçаланине сулахай енне икĕ йĕркепе вырнаçтарнă.
