Район администрацийĕн пуçлăхĕн пĕрремĕш çумĕ – вĕренÿпе çамрăксен политикин пайĕн начальникĕ Леонард Левый иртнĕ эрнере тăлăх ачасене савăнăçлă лару-тăрура хваттер уççисене пама хутшăннă.
Хваттерлĕ пулнисен йышĕнче: Анжелика Маркова /Кавал/, Алена Кантеева /Аслă Елчĕк/ тата Лиана Синицына /Çĕнĕ Пăва/. Сăмах май, çулталăк вĕçлениччен ашшĕ-амăшĕн хÿттисĕр тăрса юлнă тепĕр тăлăх ачана хваттерпе тивĕçтереççĕ.
Патшалăх пулăшнипе усă курса çурт-йĕрлĕ пулса тăнă çамрăксем район ертÿлĕхĕн, «Стройэнергосервис» строительство организацийĕн ячĕпе тав сăмахĕ каланă. Урăхла пулма та пултараймĕ, кунти хваттерсем чăннипех хăтлă. Вĕсене уйрăм хутса ăшăтмалла тунă, газ плити, сантехника вырнаçтарнă…
