Чăваш Ен Пуçлăхĕн тивĕçĕсене вăхăтлăх пурнăçлакан Олег Николаев пуçарăвĕпе «Чăваш Республикинчи культурăпа туризма аталантарасси» программипе килĕшÿллĕн «Чăваш чĕлхине сыхласа хăварасси, тĕпчесси тата аталантарасси» çумпрограммине йышăнма палăртнă.
Ман шутпа, тĕрĕсех çак шухăш. Ачасене мĕн пĕчĕкрен чăваш халăх историйĕпе, тĕрри-эрешĕпе, йăли-йĕркипе, культурипе паллаштармалла. Çакна пултарма нумай вуламалла, вĕренмелле. Халăх вĕрентĕвне çамрăклах ăша илнĕ çын çеç чăн чăваш пулма пултарать. Йăх-несĕлтен куçнă ăс-тăнпа пурлăх культурин пуянлăхĕ вара чăвашсен иксĕлми. Çавсен «çимĕçĕпе» ÿссе çитĕнмелле те çамрăк ăру.
Л.ЕНЕДЕРОВА.
