Туслăх Кубокĕн хуçи
«Туслăх Кубокĕ» ятпа иртекен футбол турнирĕн ырă традицийĕсене районти пуçаруллă çамрăксен ушкăнĕ çирĕп тытса пырать.
Черетлĕ ăмăрту Елчĕкри «Ырсамай» культурăпа кану паркĕн футбол уйĕнче иртнĕ. Унта районти 8 команда тупăшнă. «Олимп системипе» ăмăртса «Елчĕк» ушкăн пурне те çĕнтерсе куçса çÿрекен Туслăх Кубокне тивĕçнĕ.
Елчĕксем палăрнă
Çĕнĕ Шупашкарта 2008-2009 çулсенче çуралнисен хушшинче çăмăл атлетсен республика шайĕнчи ăмăртăвĕ иртнĕ.
Елчĕк район чысне çак тупăшура ачасемпе çамрăксен «Улăп» шкулĕн тренер-преподавателĕн Вениамин Кудряшовăн воспитанникĕсем хÿтĕленĕ. 60 метрлă дистанцире Роман Фомкин çĕнтерÿçĕ пулса тăнă, унăн йĕкĕрешĕ Семен 4-мĕш вырăна тухнă. 300 метрлă дистанцире вара Семен Фомкин 3-мĕш, Роман 5-мĕш вырăнсене çĕнсе илнĕ. Командăри Эвелина Чернова 300 метрлă дистанцире тупăшса 14 чи лайăх спортсмен йышне кĕнĕ.
Ачасем тăршшĕне тата çÿллĕшне сикессипе иртнĕ ăмăртура та палăрнă.
