Чăваш Ен Пуçлăхĕн Олег Николаевăн республикăра коронавирус инфекцине чакарас тĕллевпе йышăннă 166 номерлĕ указне, ытти йышăнусене тĕпе хурса социаллă тата ытти пулăшу илес текен граждансен чылай предприяти-организацисен специалисчĕсемпе маларах «хĕрÿ лини» телефонĕсемпе çыхăнса черете çырăнмалла.
Елчĕкри нумай функциллĕ центрта пулăшу илес текенсене 8/83549/ 2-57-09 номерлĕ телефонпа шăнкăравласа çырăнма ыйтатпăр. Кунти специалистсем тунтикунран пуçласа эрнекунччен ирхине 8 сехетрен пуçласа 17 сехетчен, шăматкун – 9 сехетрен пуçласа 13 сехетчен ĕçлеççĕ /апат вăхăчĕ 12 сехетрен пуçласа 13 сехетчен/, вырсарникун – кану кунĕ.
Специалист патне нумай функциллĕ центрăн сайтне кĕрсе «Запись онлайн» уйрăм урлă та çырăнма пулать.
Л.ВИКТОРОВА,
нумай функциллĕ центр ертÿçи.
