Раççей çамрăкĕсен «iВолга» форумне кăçал офлайн мелпех йĕркелеме палăртнă. Вăл яланхиллех Самар облаçĕнчи Мастрюково кÿлли хĕрринче июлĕн 23-мĕшĕнчен пуçласа 31-мĕшĕччен иртĕ.
Форума 18-35 çулсенчи çамрăксем хутшăнма пултараççĕ. Вĕсем пĕлĕвне 7 вĕренÿ сменинче тарăнлатĕç, проекчĕсене хÿтĕлĕç. Çавăн пекех кăçал ача-пăча iВолги те пулĕ. Унта Раççейри шкул ачисен юхăмĕсен хастарĕсем, «Пысăк тăхтав» конкурс çĕнтерÿçисем килĕç. Форума хутшăнас текенсен iwolgaforum.ru сайта кĕрсе майăн 25-мĕшĕччен регистрациленмелле.
