Çирĕклĕ Шăхальти вăтам шкулта вĕренекенсен черетлĕ ушкăнĕ ГТО нормативĕсен пĕр пайне пурнăçланă.
Иртнĕ ытларикун районти ГТО нормисен тесчĕн Центрĕн судйисем Петр Смирновпа Олег Осипов 2-4 классенчи 29 ачана тĕрĕслев витĕр кăларнă. Вĕсем 1000 метра чупассипе, урайĕнчен тĕртĕнессипе, гимнастика пуканĕ çинче тăрса малалла пĕшкĕнессипе тупăшнă. Çывăх кунсенче ачасем тата ултă дисциплинăра хăйсен ăсталăхне кăтартĕç.
