Юлашки 2 çулта коронавирус чирĕ сарăлнине пула «Вилĕмсĕр полк» акцие онлайн мелпе йĕркеленĕ пулсан кăçал вăл майăн 9-мĕшĕнче — Çĕнтерỹ кунĕнче йăлана кĕнĕ йĕркепех иртет.
Ытти çулхисемпе танлаштарсан, Тăван çĕршывăн Аслă вăрçине хутшăннă çынсен сăн ỹкерчĕкĕсене кăна мар, ытти хирĕç тăрăва, Украинăри ятарлă çар операцие хутшăнса пуç хунисен, Сăрпа Хусан хỹтĕлев чиккисене тума хутшăннă ентешсен сăн ỹкерчĕкĕсене те «Вилĕмсĕр полкра» йăтса утма юрать. «Вилĕмсĕр полк» акцие кăмăл тăвакансен пурин те хутшăнма юрать.
